Fara at fiska krabba í Smoguni

Gongst sum ætlað fara føroyingar at fiska krabba í Smoguni í Barentshavinum fyri ólavsøku.

Partafelagið Fríðborg í Havn, sum átti rækjutrolaran við sama navni, hevur keypt eitt skip úr Íslandi, sum nú verður riggað til at fiska krabba.

Fríðborg hevur fingið fyribils loyvi í eitt ár at fiska krabba í altjóða sjógvi í Barentshavinum. Fríðborg er keypt úr Íslandi, men hon varð upprunaliga bygd til russar í 1999.

Skipið hevur ongantíð verið til fiskiskap. Keypsprísurin er 13 millónir kr., men Fríðborg fer væntandi at standa í umleið 40 milliónum, tá hon verður klár at fara til fiskiskap.

Hoyr Johannes Joensen, verkætlanarleiðara hjá partafelagnum Fríðborg, í útvarpstíðindunum.