- Tíðindi, mentan og ítróttur
- Kapping er kærkomin
SEV megnar at lyfta uppgávuna um at Føroyar einans skulu nýta grøna orku á landi í 2030, men kapping um at framleiða streym er kærkomin stjórin á SEV, Hákun Djurhuus.
Hann fegnast um at Magn við keypinum av Demich hevur lagt seg eftir at veita grønar orkuloysnir til føroysku brúkararnar.
SEV megnar uppgávuna
Tað hevur týdning sambært Hákuni Djurhuus, tí tað verður avgerandi fyri at røkka málinum um grøna orku í 2030, at føroysku brúkarar leggja um frá olju til varandi orkukeldur.
Hendrik Egholm segði í gjár, at tað var týdningarmikið, at onnur eisini sluppu framat at framleiða streym inn á føroyska netið, tí um allur orkutørvur á landið skuldi verða grønur í 2030, so kundi SEV einsamalt ikki lyfta uppgávuna.
Tí var tørvur á at hava eina opnari elveitingarlóg, so tað gjørdist lættari hjá øðrum at sleppa framat og harvið fáa størri ferð á.
Ikki neyðugt við broyting í elveitingarlógini
Hákun Djurhuus er ósamdur við Hendrik Egholm, at SEV ikki megnar uppgávuna.
Hákun Djurhuus sigur eisini, at tað er ikki neyðugt við eini broyting í elveitingarlógini fyri at fáa kapping á føroyska marknaðinum.
Tað er longu partur av lógini, at útbjóðingar skulu lýsast, og har kunnu fleiri bjóða seg fram.
Hendrik Egholm segði eisini í gjár, at við eini øktari kapping, fæst eisini ein betri prísur fyri føroyska brúkaran. Heldur ikki hesum er Hákun Djurhuus heilt samdur í.
Hoyr innslagið omanfyri.
Tak niður
Sí eisini