Kommunurnar gjalda gildið

10.04.2018 - 09:00
AktueltPolitikkur
Kommunurnar gjalda gildið
Tað segði Dennis Holm, formaðurin í Føroya Kommunufelag á aðalfundinum hjá felagnum, nú fyritíðarpensjónistar fáa fleiri pengar

Tak niður

Tað er lætt hjá landsstýris- og løgtingsfólkum at breggja sær av, at fyritíðarpensjónistar hava fingið fleiri pengar, tá kommunurnar standa við endan og skulu gjalda gildið.

Tað segði Dennis Holm, formaður í Føroya Kommunufelag, á aðalfundinum hjá felagnum fríggjadagin. Hann vísti í formansrøðuni á, at landið fær 9,4 milliónir krónur burtur úr broytingini, men kommunurnar mugu gjalda 25,3 milliónir krónur.

Orsøkin til tað er, at samstundis sum fyritíðarpensjónin hækkaði við 1.000 kr um mánaðin, varð grundarupphæddin gjørd skattafrí.

Fyritíðarpensjónistar fáa eisini eina viðbót, og ta viðbótina lækkaði landið við 21,9 milliónum krónum. Tí eru tað bara kommunurnar, sum rinda fyri broytingina.

Løgmaður lovaði kommununum, at tær skuldu haldast skaðaleysar av broytingini, tí tær skuldu fáa pengarnar aftur, tá uppskotið um veiðigjaldið varð samtykt.

Men uppskotið um veiðigjaldið er framvegis í Vinnunevndini, og nú verður tosað um, at tað er eingin trupulleiki, um uppskotið ikki verður samtykt í ár.

Mannagongdin er ikki nøktandi, sigur Dennis Holm, formaður í Kommunufelagnum.

Hoyr samrøðu við Dennis Holm omanfyri. 

 
 
Nýggjastu sendingar í ÚV
Mánadag 17. februar
Morgunlesturin mánamorgunin 17. februar 2020
104413
Sunnudag 16. februar
Bolero
104898
Sunnudag 16. februar
Meg minnist: Max Weihe (4:4)
104837
Sunnudag 16. februar
Minnismyndir: Bergtóra Jacobsen (1:2)
104054
Sunnudag 16. februar
Guðstænasta í Rituvíkar kirkju
104890
Nýggjastu sendingar í SV
Sunnudag 16. februar
Guðstænasta úr Árnafjarða kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andaktin
104891
Leygardag 15. februar
Hondbóltur: H71 - Kyndil
104880
Leygardag 15. februar
Hondbóltur: H71 - VÍF
104874