Vilja eftirmeta skipanir viðvíkjandi undantøkum

16.04.2018 - 12:29
AktueltSamfelag
Vilja eftirmeta skipanir viðvíkjandi undantøkum
Kommunala arbeiðsgevarafelagið streingir nú á fyri at fáa gongd á eina eftirmeting av skipanini við undantøkum í sambandi við arbeiðsteðg. 
 
 

Tak niður

Skipanin á almenna arbeiðsmarkninum, sum skal tryggja, at verkfall ella verkbann ikki seta lív og heilsu hjá teimum veikastu í samfelagnum, eigur at verða endurskoðað. 

Tað heldur Annika Olsen, borgarstjóri í Havn og forkvinna í Kommunala Arbeiðsgevarafelagnum. Hon heldur eisini, at tað er, meðan friður er á almenna arbeiðsmarknaðinum, at eftirmetingin skal gerast. 

Verkfallið á jólum drúgt

Bylgjurnar gingu høgt, tá pedagogfelagið var í verkfalli í desember og januar. 

Stór ósemja tók seg upp millum Almannaverkið og Pedagogfelagið um tey undantøk, sum pedagogfelagið var sinnað at geva Almannaverkinum undir verkfallinum.

Serliga talið av starvsfólk, sum skuldu til fyri at taka sær av teimum veikastu og mest krevjandi borgarunum, var eitt afturvendandi evni í stríðnum. 

Innlima triðja part

Stjóri í Almannaverkinum, Edvard Heen, eftirlýsti, at ein óheftur triðji partur var partur av ásetingunum av undantøkunum í verkfallinum. 

Annika Olsen, forkvinna í Kommunala Arbeiðsgevarafelagnum, er samd, at tað kundi verið ein loysn at havt ein triðja part við.  

Men hon heldur eisini, at fráboðanarfreist fyri undantøkum er ein avbjóðing. 

Skipanin riggar væl

Jógvan Philbrow, formaður í Pedagogfelagnum, heldur, at skipanin við undantøku á økinum riggar eftir umstøðunum væl. 

Tað kemur ikki upp á tal, at Pedagogfelagið gongur við til, at teirra verkfallsrættur verður skerdur. 

Undantøkini eru fyri í løgtinginum í dag, tí Eyðgunn Samuelsen, landsstýriskvinna í almannamálum, skal svara einum spurningi frá Brandi Sandoy um júst undantøkini 

 
Nýggjastu sendingar í ÚV
Sunnudag 23. september
Guðstænasta í Haldórsvíkar kirkju
85660
Sunnudag 23. september
Einsamallur úti á opnum havi
85609
Leygardag 22. september
Morgunlestur leygardagur 22. september 2018
85416
Fríggjadag 21. september
Pressan: Politiskur journalistikkur
85610
Fríggjadag 21. september
Morgunlestur fríggjadagur 21. september 2018
85415
Nýggjastu sendingar í SV
Sunnudag 23. september
Andaktin
85659
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382