Stuðul til kunningarstovur strikaður

06.08.2018 - 11:22
AktueltVinna
Stuðul til kunningarstovur strikaður
Tað er spell, at stuðulin til kunningarstovurnar verður strikaður, tí kunningarstovurnar eru bæði týðandi og virknar, sigur borgarstjórin í Sørvági

Tak niður

Sum nú er, verða 1,5 milliónir krónur latnar til kommunurnar at geva kunningarstovunum. Men frá 1. januar 2019 verður eingin stuðul latin. 

Tá kunnu kommunurnar søkja um pening úr eini pulju á tvær milliónir krónur tilsamans, sum er ætlað vinnuligum og kommunalum ætlanum hjá kommununum. 

Aimé Jacobsen, sum er borgarstjóri í Sørvágs kommunu, sigur, at tað er ein trupulleiki, at kunningarstovurnar missa tann stuðulin. 

Tó vísir borgarstjórin á, at tað er ein fyrimunur, at stuðul verður latin kommununum, soleiðis at tær kunnu menna karmarnar kring vaksandi ferðavinnuna í Føroyum.

Heðin Zachariasen, borgarstjóri í Sunda kommunu, fegnast um nýggju skipanina, tí hon leggur upp til, at landið og kommunurnar loysa uppgávurnar í felag. 

Men Sunda kommuna hevur niðurraðfest sína kunningarstovu og hevur í dag bert eina heimasíðu. Harafturímóti er kunningarstovan í Sørvági sera virkin, sigur Aimé Jacobsen. 

Og tí er vansin, at kunningarstovuvirksemið í Sørvági og kring alt landið fer at minka munandi, sigur borgarstjórin í Sørvágs kommunu. 

 
 
Nýggjastu sendingar í ÚV
Fríggjadag 23. august
Summartímin hósdagin 22. august
97964
Fríggjadag 23. august
Stakkafestivalur í Sørvági í dag
97961
Fríggjadag 23. august
Morgunlesturin friggjamorgunin 23. august 2019
96279
Hósdag 22. august
Tingið: Framsókn
97928
Nýggjastu sendingar í SV
Hósdag 22. august
Andglettur - Framsókn
97938
Týsdag 20. august
Andglettur - Framtakið
97851
Mánadag 19. august
Andglettur - Miðflokkurin
97805
Fríggjadag 16. august
Andglettur - Sambandsflokkurin
97745