Páll á Reynatúgvu: - Eg eri skelkaður

07.04.2019 - 15:52
AktueltPolitikkur
Páll á Reynatúgvu: - Eg eri skelkaður
Hetta er harður kostur, men eg havi ikki sjálvur hoyrt tað enn, tí vísi eg til flokkin í fyrsta umfari, sigur løgtingsformaðurin

Tak niður

Forkvinnan í tingbólkinum hjá Tjóðveldi, Annita á Fríðriksmørk, er gird í brøkur, eftir at stroymingin frá flokstinginum í Hovi í gjár avdúkar, at hon í einum steðgi sigur, at Páll á Reynatúgvu, tingformaður, er ein "stórur egoistur og psykopatur".

Tjóðveldi tók alt flokstingið upp, og við steðgum er upptøkan meira enn átta tímar.

Og tað er í einum steðgi, at Annita á Fríðriksmørk sigur við ein dana, sum hon prátar við, tey lítið penu orðini um floksfelagan, Páll á Reynatúgvu.

Tað var heimasíðan, News.fo, sum bar tíðindini fyrr í dag.

Egoistur og psykopatur

Danin tosar um "eksklusiónsreglurnar", og tey tosa eisini um fólkatingssessirnar, sum Páll á Reynatúgvu hevur lagt uppskot fram um at fáa strikaðar.

Annita á Fríðriksmørk sigur í tí sambandinum, at hon heldur seg kenna grundina til, at Páll á Reynatúgvu hevur lagt hetta uppskotið fram.

- Hann hevur stillað upp til fólkatingsvalið fimm ferðir, og so kemur Magni og fær túsund atkvøður, sigur hon.

- Hann er ein stórur egoistur og psykopatur, sigur Annita á Fríðriksmørk, og sigur eisini, at Páll á Reynatúgvu tolir ikki atfinningar, og at hann hevur strikað tey flestu í tingbólkinum, sum hava tala honum ímóti, sum vinir á facebook.

Skelkaður

Páll á Reynatúgvu, tingformaður og floksfelagi hjá Annitu á Fríðriksmørk, hevur onga viðmerking til málið í dag.

- Eg eri skelkaður av tí, sum eg havi fingið endurgivið. Hetta er harður kostur, men eg havi ikki sjálvur hoyrt tað enn. Tí fari eg at vísa til flokkin í fyrsta umfari, sigur hann.

Spurdur um hann tekur ímóti umberingini, sum Annita á Fríðriksmørk kom við í telefonini fyrr í dag, svarar hann:

- Eg havi onga viðmerking.

Hoyr ljóðbrot úr samrøðuni millum ein dana og Annitu á Fríðriksmørk.

 
 
Nýggjastu sendingar í ÚV
Leygardag 20. apríl
Munkar á trúboðanarferð
92963
Leygardag 20. apríl
Norðurljóð "Sálmar úr verkstaðnum"
93694
Leygardag 20. apríl
Morgunlestur leygardagur 20. apríl 2019
93392
Fríggjadag 19. apríl
Rómi og ross løgdu støðið (2:2)
93585
Nýggjastu sendingar í SV
Mikudag 24. apríl
25 minuttir: Andrias Høgenni
93252
Fríggjadag 19. apríl
Flogbóltur: Mjølnir - Fleyr, mansfinala
93685
Fríggjadag 19. apríl
Andakt við Bergtóri Hjelm Bjarkhamar
93684
Fríggjadag 19. apríl
Hondbóltur: H71 - Neistin, 3 finalan
93682
Fríggjadag 19. apríl
Guðstænasta úr Vestmanna kirkju
93686