200 fólk latið lív á Sri Lanka

Ein yvirgangatsókn rakti Sri Lanka í morgun, og sambært seinastu tíðindunum hava meir enn 200 fólk latið lív í atsóknini og eini 400 fólk eru komin til skaða. Alt bendir á, at nakrir danskir ríkisborgarar eru millum tey deyðu.

Føroyska uttanríkisráðið sigur í dag, at tey hava ikki fingið at vita um nakrir føroyingar eru millum teir donsku ríkisborgararnar, ið eru raktir av álopinum.

Tey siga, at um nakar kennir føroyingar, ið kunnu verða á staðnum, kunnu tey siga uttanríkisráðnum frá á 556101.