Sernám kúvendir í málinum um málmenning

03.05.2019 - 14:44
InnlendisSamfelag
Sernám kúvendir í málinum um málmenning
Sambært tíðindaskrivi, sum stjórin í sernámi hevur sent út í morgun, heldur málmenningarskipanin ikki bara fram. Hon skal eisini útbyggjast.
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

Fyri minni enn einum mánaði síðan segði stjórin í Sernámi í teldubrævi til foreldur at børnum, sum hava fingið hjálp til málmenning, at tænastan bleiv niðurløgd beinanvegin.

Henda avgerð kom sera illa við hjá foreldrunum, tí børnini, sum vóru við í hesari málmenningarskipanini, høvdu gjørt stór framstig.

Foreldrini funnust at avgerðini og tey fýltust eisini á at tað ikki bar til at fáa orð á leiðsluna í Sernámi um málið. Serliga, tí stovnurin ikki hevði nakað annað at seta ístaðin.

Avgerðin kom eisini óvart á Honnu Jensen, landsstýriskvinnu við skúlamálum, sum ikki visti av avgerðini.

Og í dag tók málið so eina nýggja vend. Í tíðindaskrivi kunnar stovnurin um, at skipanin við Karlstad-modellinum ikki bara heldur fram. Hon skal eisini útbyggjast, so hon ikki verður so viðbrekin, sum hon sambært stjóranum á Sernámi er; og so hon kann útbyggjast til at vera landsdekkandi.

Hetta kann ikki tulkast øðrvísi enn, at leiðslan í Sernámi hevur kúvent í málinum.

Hoyr alt innslagið við at trýstá á pílin.

Les annars tíðindaskrivið í hesum tíðindastubbanum:

http://kvf.fo/greinar/2019/05/03/sernam-kuvendir

 
Er kopiera
Nýggjastu sendingar í ÚV
Nýggjastu sendingar í SV
Mikudag 9. juli
Dagur og vika - teknmálstulkað
194245
Týsdag 8. juli
Veðrið
194213
Sunnudag 6. juli
Og ein summardag (2:2)
194098
Leygardag 5. juli
Video: 6mf menn
194076