Lønarkontan skal vera ókeypis

Fólk eiga at kunna fáa løn útgoldna gjøgnum eina almenna lønarkontu, sum skal vera ókeypis.

Tað heldur Sirið Stenberg í Tjóðveldi, nú fólk eru misnøgd um, at ómaksgjøldini hjá bankunum hækka, samstundis sum tænastan versnar.

Tjóðveldi arbeiðir við at orða uppskot um eina almenna lønútgjaldigarskipan, sum skal leggjast fyri løgtingið á ólavsøku.

Útvarpið hevur spurt allar løgtingslimir, hvat teir halda um málið.

15 taka undir við at skipa eitt alment lønútgjaldingarstað, seks eru í móti, og 11 tinglimir hava ikki tikið støðu.