Arbeiðsgevararnir hava svarað

<div>Enn er ógreitt, hvussu støðan er á almenna arbeiðsmarknaðinum.</div><div><br></div><div>Lønardeildin og Kommunala Arbeiðsgevarafelagið hava sitið á fundi fyrrapartin og viðgjørt skrivið, sum Fakfelagssamstarvið sendi teimum í gjárkvøldið.</div><div><br></div><div>Svarið varð sent teimum nakað fyri klokkan 12.</div><div><br></div><div>- Málið er avgreitt frá okkara síðu. Vit hava svarað nøkrum spurningum, sum vóru settir okkum, og meira kunnu vit ikki gera, sigur formaðurin í Kommunala Arbeiðsgevarafelagnum, Heðin Mortensen, borgarstjóri í Havn.</div><div><br></div><div>Hvørki hann ella Snorri Fjalsbak, stjóri á Lønardeildini í Fíggjarmálaráðnum, vilja siga nakað innihaldið í brævaskiftinum millum partarnar.</div><div><br></div><div>Men Heðin Mortensen sigur so mikið, at talan er um smálutir - bagatellir.&nbsp;Talan er um nakrar smálutir, ið ikki vóru við í semingsuppskotinum, sambært formanninum í Kommunala Arbeiðsgevarafelagnum.</div><div><br></div><div>Beint áðrenn tíðindini byrjaðu, fingu Útvarpið SMS-boð frá Selmu Ellingsgaard, forkvinnu í Starvsmannafelagnum, sum boðar frá, at tey ikki kunnu koma við viðmerkingum til støðuna, tí svarið frá arbeiðsgevarunum skal viðgerast fyrst í Fakfelagssamstarvinum.&nbsp;</div><div><br></div><div>Og sum skilst eru fakfeløgini farin á fund at viðgera svarið frá arbeiðsgevarunum. Ikki er greitt, um fakfeløgini hava fingið freist at svara.&nbsp;</div><div><br></div>