Sita enn á fundi

Tey fýra feløgini í fakfelagssamstarvinum sita framvegis á fundi og viðgera svarið, sum tey fingu frá arbeiðsgevarunum fyri middag. Men einki fæst at vita um brævaskiftið millum fakfeløgini og arbeiðsgevararnar, heldur ikki, um fakfeløgini hava fingið nakra freist at svara arbeiðsgevarunum.<div><br></div><div>Eftir at fakfeløgini høvdu havnað semingsuppskotinum í gjárkvøldið, fóru tey á fund, og um átta tíðina í gjárkvøldið boðaði forkvinnan í Starvsmannafelagnum frá, at feløgini fóru at senda sáttmálapørtunum, t.e. Fíggjarmálaráðnum og Kommunala Arbeiðsgevarafelagnum, eitt skriv, sum tey vildu hava arbeiðsgevararnar at svara í seinasta lagi á middegi í dag.</div><div><br></div><div>Svarið komið eisini fyri middag, og sambært Heðini Mortensen, formanni í Kommunala Arbeiðsgevarafelagnum, er talan um onkrar smálutir, sum ikki vóru við í semingsuppskotinum.&nbsp;</div><div><br></div><div><b>Útvarpið væntar at fáa eina viðmerking frá fakfeløgunum í tíðindasendingini klokkan 15</b><br><div><br></div><div><br></div></div>