Fakfeløgini svara í dag

<div>Um nakrar tímar verður greitt, um okkurt av fakfeløgunum á almenna arbeiðsmarknaðinum fer í verkfall.</div><div><br></div><div>Tey fýra fakfeløgini, Pedagogfelagið, Starvsmannafelagið, Lærarafelagið og Havnar Arbeiðskvinnufelag, fara í seinasta lagi á middegi í dag at svara Fíggjarmálaráðnum og Kommunala Arbeiðsgevarafelagnum, hvat tey gera við semingsuppskotið hjá semingsmonnunum.</div><div><br></div><div>Tað er ikki óhugsandi, at okkurt felag í fakfelagssamstarvinum fer í verkfall, meðan onnur fara at skriva undir semingsuppskotið.</div><div><br></div><div>Sambært semingsuppskotinum, sum fakfeløgini higartil ikki hava viljað góðtikið, verður lønarsteðgur fyri allar almennar lønir yvir 30.000 krónur. Sambært upplegginum skulu tey, sum tjena minni enn 30.000 krónur um mánaðin, fáa &nbsp;220 krónur afturat um mánaðin.</div><div><br></div><div>Semingsuppskotið, ið varð lagt fyri partarnar tíðliga mikumorgunin, er galdandi til á middegi í dag, tá tað dettur burtur.</div><div><br></div><div>Arbeiðsgevararnir - Lønardeildin í Fíggjarmálaráðnum og Kommunala Arbeiðsgevarafelagið - góðtóku semingsuppskotið, men fakfeløgini søgdu seg ikki kunna góðtaka tað.</div><div><br></div>