- Tíðindi, mentan og ítróttur
Heildarveitingin verður 624 milliónir
Heildarveitingin verður 624 milliónir
Uppskotið um at prístalsviðgera blokkin er komið í fólkatingið, og Føroyanevndin viðger uppskotið mikudagin
30.01.2012 - 15:27
Heildarveitingin úr ríkiskassanum til Føroya í ár hækkar 8,6 milliónir krónur, og verður 624,1 millón krónur.
Uppskotið um blokkin er lagt fyri fólkatingið. Heildarveitingin hevur síðani 2002 verið 615 milliónir krónur, men danska stjórnin og landsstýrið eru komin ásamt um at prístalsviðgera veitingina. Sostatt hækkar hon 8,6 milliónir í ár.
Lógin kemur í gildi, dagin eftir at hon er kunngjørd. Sjúrður Skaale, formaður í Føroyanevndini í fólkatinginum, upplýsir, at uppskotið kemur til viðgerðar í Føroyanevndini mikudagin.
Er kopiera
Nýggjastu sendingar í ÚV
Nýggjastu sendingar í SV
