Væntar sáttmála við arbeiðskvinnurnar og Lærarafelagið

<div>- Støðan er ógreið.&nbsp;</div><div><br></div><div>Tað sigur Snorri Fjallsbak, leiðari á Lønardeildini í Fíggjarmálaráðnum, eftir fundin við Starvsmannafelagið seinnapartin.</div><div><br></div><div>Lønardeildin og Kommunala Arbeiðsgevarafelagið rokna nú við at frætta aftur frá Starvsmannafelagnum. Men enn er eingin tíðarfreist sett á, og heldur ongin nýggjur fundur avtalaður.</div><div><br></div><div>Spurdur um útlitini fyri einum nýggjum sáttmála við Starvsmannafelagið, sigur Snorri Fjalsbak, at tað kann kann fara báðar vegir.&nbsp;</div><div><br></div><div>Lærarafelagið og Havnar Arbeiðskvinnufelag skulu bæði á fund við Lønardeildina í morgin.</div><div><br></div><div>- Eg rokni við, at tey koma út higar at gera eina semju og skriva undir nýggjan sáttmála, sigur Snorri Fjallsbak við útvarpið í kvøld.</div><div><br></div><div>Snorri Fjallsbak sigur, at arbeiðsgevararnir eru sinnaðir at broyta smálutir í verandi sáttmálauppleggi, men &nbsp;talan verður ikki verður um at gera munandi broytingar í tí semingsuppskoti, sum arbeiðsgevararnir góðtóku, men fakfeløgini vrakaðu.</div><div><br></div>