26 mió. kr. afturat til Apoteksverkið

At dagføra heilivágsframleiðsluna í Apoteksverkinum fer at kosta 66 milliónir krónur, og arbeiðið skal verða liðugt næsta ár.&nbsp;<div><br></div><div>Tað sigur Karsten Hansen, landsstýrismaður í heilsumálum, sum hevur biðið løgtingið um at játta 26 milliónir krónur afturat til verkætlanina.&nbsp;</div><div><br></div><div>Kostnaðarætlanin hevur ikki hildið, og verri enn so.</div><div><br></div><div>Tá Apoteksverkið í 2004 fór undir at fyrireika verkætlanina at dagføra heilivágsframleiðsluna í bygninginum á Staravegi 15 í Havn, vísti ein fyribils meting, at kostnaðuri fór at verða 20 milliónir krónur uttan mvg.</div><div><br></div><div>Síðani 2006 eru brúktar umleið 40 milliónir krónur, og mett verður, at tað, sum vantar í at fáa framleiðsludeildina lidna, fer at kosta 26 milliónir krónur.&nbsp;</div><div><br></div><div>Heilsumálaráðið sigur, at steðgar verkætlanin nú, eru 40 milliónir farnar fyri skeytið.</div><div><br></div><div>Við støði í gongdini í málinum hevur Heilsumálaráðið gjørt av, at &nbsp;neyvari stýring skal fáast á útbyggingina, og ráðið hevur tí heitt á Landsverk um at standa fyri byggingini. Heilsumálaráðið skal eisini hava umboð í bygginevndini. Arbeiðið skal sambært lógaruppskotinum verða liðugt &nbsp;í 2013.</div><div><br></div><div>Apoteksverkið hevur eisini ætlanir um at útvega høli til nýtt apotek á Karlamagnusarbreyt í Hoyvík, men Tórshavnar kommuna hevur útsett ætlanina í óavmarkaða tíð.&nbsp;</div><div><br></div><div>Tí er neyðugt at framskunda alt virksemi, sum skal flyta á Staraveg 15, so farast kann undir at effektivisera og umbyggja bygningin hjá Tjaldurs Apoteki á Trapputrøðni, sigur Heislumálaráðið.</div><div><br></div><div>Uppskotið um at játta meiri pening til framleiðsludeildina í Apoteksverkinum kemur til 1. viðgerð í tinginum í morgin.</div>