Gongur betur at selja hús

Nú gongur betur at selja hús, og kanska er tað skattalættin, sum ger munin.<div><br></div><div>- Vit kunnu staðfesta, at vit hava selt fleiri hús í januar mánaði í ár enn í fjør, sigur Kára á Dunga, stjóri í meklarafyritøkuni Inni, við Dimmalætting.</div><div><br></div><div>Hon sigur, at tey kunnu ikki vísa á nakra serliga orsøk, at sølan er vaksin. Men fólk, sum hyggja at húsum, tosa ofta um skattalætta.</div><div><br></div><div>- Um tey gera tað í skemti ella ikki, er ilt at meta um, sigur stjórin í Inni við Dimmalætting.</div><div><br></div><div>Tá heimskreppan rakti fyri nøkrum árum síðani, ávirkaði hon eisini húsasøluna í Føroyum. Keyparin var varnari, hóast prísurin lækkaði. Tað hevur havt við sær, at hús hava staðið longur á sølulista</div><div><br></div><div>Kára á Dunga sigur, at nýggja lógin um brúkararvernd í sambandi við húsasølur hevur økt arbeiðsbyrðuna hjá meklarunum.&nbsp;</div><div><br></div><div>- Hetta er eisini ein fyrimunur, so øll vita, hvørji rættindi tey hava, sigur Kára á Dunga við Dimmalætting.</div><div><br></div><div>Seinni í ár kemur ein lóg aftrat, sum setir størri krøv til húsameklarar.&nbsp;</div><div><br></div>