Pedagogarnir helst einsamallir í verkfalli

<div>Pedagogfelagið verður eftir øllum at døma einasta fakfelag í almenna fakfelagssamstarvinum, sum fer í verkfall.</div><div><br></div><div>Starvsmannafelagið fer seinnapartin at skriva undir ein eitt ára sáttmála fyri sínar limir.&nbsp;Tað váttar Selma Ellingsgaard, forkvinna í Starvsmannafelagnum.</div><div><br></div><div>Nevndin í felagnum fer í Fíggjarmálaráðið nú klokkan hálvgum fýra, og tá verður ein nýggjur eitt ára sáttmáli væntandii undirskrivaður.</div><div><br></div><div>Enn vil forkvinnan í í Starvsmannafelagnum ikki siga, hvat stendur í sáttmálanum - t.e., hvørjar broytingar felagið møguliga hevur fingið við í tað semingsuppskot, ið varð lagt fyri partarnar í síðstu viku, sum arbeiðsgevararnir góðtóku og fakfeløgini vrakaðu.</div><div><br></div><div>Fyrr í dag boðaði Lærarafelagið frá, at tey eru sinnað at skriva undir nýggjan sáttmála, og Havnar Arbeiðskvinnufelag fer væntandi eisini at skriva undir sáttmála fyri sínar limir á almenna arbeiðsmarknaðinum í dag.</div><div><br></div><div><br></div><div><br></div>