Starvsmannafelagið skrivar undir

Starvsmannafelagið fer seinnapartin at skriva undir sáttmála við arbeiðsgevararnar, og limirnir í Starvsmannafelagnum fara sostatt ikki í verkfall.<div><br></div><div>Starvsmannafelagið fer at skriva undir ein sáttmála, sum bert er galdandi í eitt ár, og tað hava arbeiðsgevararnir góðtikið.</div><div><br></div><div>Lærarafelagið fer seinnapartin tingast við Lønardeildina í Fíggjarmálaráðnum um onkrar smávegis broytingar, og sum skilst fer Lærarafelagið eisini at skriva undir nýggjan sáttmála í dag.</div><div><br></div><div>Havnar Arbeiðskvinnufelag hevur enn ikki gjørt av, um tey taka undir við semingsuppskotinum. Vigdis Johannesen, forkvinna í Havnar Arbeiðskvinnufelag, sigur, at tey fara á fund við Lønardeildina &nbsp;seinnapartin , og tann fundurin verður avgerandi fyri, um felagið tekur undir við semingsuppskotinum. Eftir fundin við Lønardeildina fer nevndin í felagnum at taka støðu til, um tey góðtaka uppskotið ella fara í verkfall.</div><div><br></div><div>Pedagogfelagið er tað einasta av teimum fýra fakfeløgunum í fakfelagssamstarvinum, sum hevur vrakað semingsuppskotið, og í morgun fóru umleið 1900 pedagogar kring landið í verkfall.&nbsp;</div>