Dregur út at seta stjóra

Tað dregur út at seta nýggja forstjóran í partafelagnum Vága Floghavn.<div><br></div><div>Ætlanin var, at nýggi stjórin skuldi taka við í dag, 1. februar, &nbsp;men enn eru ikki allar setanarsamrøðurnar avgreiddar, og tí er starvið framvegis ósett.</div><div><br></div><div>Ikki færri enn 43 umsóknir komu til starvið, tá umsóknarfreistin var úti 2. januar. Tey flestu, sum hava søkt, eru mannfólk, men kvinnur eru eisini millum umsøkjararnar.</div><div><br></div><div>Kitty May Ellefsen, forkvinna í nevndini fyri P.f. Vága Floghavn, sigur við Dimmalætting, at fleiri umsøkjarar hava verið til setanarsamrøðu, men enn vanta nakrar samrøður.</div><div><br></div><div>Ein av fremstu uppgávunum hjá nýggja forstjóranum verður saman við nevndini at seta út kortið, hvussu Vága Floghavn kann rekast á &nbsp;handilsligum grundarlag.</div><div><br></div><div>Síðani Dávur Reinert Hansen fór úr forstjórastarvinum í heyst, hevur Finnbogi Niclasen verið fyribils stjóri á flogvøllinum.&nbsp;</div>