Sjúkrarøktarfrøðingar krevja hægri løn

<div>Størsta fakfelagið á almenna arbeiðsmarknaðinum, sum nú skal til samráðingarborðið, fer at krevja meira í løn enn hini feløgini fingu.</div><div><br></div><div>Føroyskir Sjúkrarøktarfrøðingar eru til reiðar at fara undir realitetssamráðingar nú, hóast sáttmálin fór úr gildi fyri fýra mánaðum síðani.&nbsp;</div><div><br></div><div>Vár í Gong, forkvinna í felagnum hjá sjúkrarøktarfrøðingunum, sigur við Útvarpið, at hóast arbeiðsgevarin vann fyrsta slagið, er kríggið ikki liðugt. Feløgini, sum undirskrivaðu lønarsáttmálar í gjár, koma sterkt aftur, sigur hon.&nbsp;</div><div><br></div><div><div>Felagið Føroyskir Sjúkrarøktarfrøðingar hevur samráðingar fyri knappliga 700 limir. &nbsp;&nbsp;</div><div><br></div><div>Vár í Gong vil ikki upplýsa, hvat felag hennara fer at krevja í lønarhækking. Men teir sáttmálar, sum higartil eru gjørdir á almenna arbeiðsmarknaðinum, eru einki at reypa av, heldur hon.</div><div><br></div><div>Lønardeildin í Fíggjarmálaráðnum hevur okkurt um 25 feløg eftir at samráðast við. Allir sáttmálar fóru úr gildi 1.oktober í fjør, men bíðað hevur verið eftir fakfelagssamstarvinum.&nbsp;</div><div><br></div><div>Snorri Fjalsbak á Lønardeildini sigur, at í løtuni er eingin samráðingarfundur í álmanakkanum. Men biðja feløg um fund, eru tey klár á Lønardeildini, annars fara tey helst at senda út fundarboð seinni í vikuni.</div></div><div><br></div><div><b>Meiri verður at frætta í útvarpstíðindunum.</b></div><div><br></div><div><i>Mynd: Vár í Gong er forkvinna í Sjúkrarøktarfrøðingafelagnum</i></div><div><br></div><div><b><br></b></div>