Fýra grannskoðarar missa løggildingina alt fyri eitt

<div>Fýra grannskoðarar missa løggildingina treytaleyst, og hjá hinum fimm er afturtøkan treytað.&nbsp;</div><div><br></div><div>Standa teir kravdu próvtøkuna innan eitt ár, varðveita teir løggildingina.</div><div><br></div><div>Jákup Eyðfinn Kjærbo, sum løgmaður setti sum fyribils stjóra á Skrásetingini at kanna, um løggildingin, sum Løgtingsins umboðsmaður segði var latin grannskoðarunum ólógliga, kann takast aftur, hevur tikið endaliga avgerð í málinum.</div><div><br></div><div>Hjá teimum fimm grannskoðarunum er afturtøkan treytað, tí ivasamt er, um tað ikki er brot á mannarættindasáttmálan at taka løggildingina alt fyri eitt. Hesi fimm hava arbeitt sum grannskoðararar alla tíðina, síðani tey fingu løggildingina í 2007.</div><div><br></div><div>Hini fýra hava annnaðhvørt als ikki brúkt løggildingina, ella bara brúkt hana í stutta tíð.</div><div><br></div><div>Sjey av teimum níggju grannskoðarunum kærdu alt fyri eitt avgerðina hjá fyribils setta stjóranum á Skrásetingini til Løgmansskrivstovuna.&nbsp;</div><div><br></div>