Kunnu lata hálva millión í neyðhjálp

<p style="margin-bottom: 0cm">Almennu Føroyar kunnu nú lata 200.000 krónur meiri í neyðhjálp.</p><p style="margin-bottom: 0cm">Løgtingið samtykti við triðju viðgerð av fíggjarlógini at hækka játtanina út 300.000 upp í 500.000 krónur.&nbsp;</p><p style="margin-bottom: 0cm">Undanfarin ár hevur Uttanríkisráðið umsitið játtanina til neyðhjálp, men nýggja samgongan hevur gjørt av, at &nbsp;Heilsumálaráðið skal &nbsp;umsita hesa játtan.</p><p style="margin-bottom: 0cm">- Stóð tað til mín, lótu vit enn meira í neyðhjálp. Men sjálvsagt er tað ein kærkomin bati, at játtanin nú verður 500.000 krónur, eftir at hon hevur verið 300.000 krónur í nógv ár. Neyðhjálpin úr Føroyum er væl størri enn tað, tað almenna megnar at lata hvørt ár, tí vit eru so heppin at hava &nbsp;virknar, privatar felagsskapir, sum gera eitt risa arbeiði at hjálpa neyðstøddum kring allan heim, sigur Karsten Hansen, landsstýrismaður í heilsumálum.</p><p style="margin-bottom: 0cm">Endamálið við játtanini er at veita neyðhjálp, tá ið vanlukkur brádliga raka úti í heimi. Hjálpin verður vanliga latin gjøgnum sjálvbodnar hjálparfelagsskapir, sum t.d. Reyða Kross og altjóða stjórnarfelagsskapir - eitt nú.Heimsmatvørufelagsskapin undir Sameindu Tjóðum, World Food Programme.&nbsp;</p><p style="margin-bottom: 0cm">Latið verður eisini burtur av játtanini, tá áheitanir koma uttan úr heimi um at basa hungursneyð.</p><p style="margin-bottom: 0cm">Heilsumálaráðið skal á hvørjum ári fáa atgongd til upplýsingar um, hvussu peningurin er nýttur, t.e. gjøgnum ársfrágreiðingar og roknskapir hjá felagsskapunum.</p><p style="margin-bottom: 0cm"><i>Mynd: Karsten Hansen, landsstýrismaður, sum nú fer um at umista almennu neyðhjálpina</i></p>