Løgmaður hittir íslendska uttanríkisráðharran

<div>Kaj Leo Holm Johannessen, løgmaður, er í dag farin á&nbsp;fund við íslendska uttanríkisráðharran, Össur Skarphéðinsson íHoyvíksráðnum. Fundurin er í Reykjavík.</div><div><br></div><div><div>Hoyvíksráðið er formligi politiska samstarvspallurin undir Hoyvíkssáttmálanum millum Føroyar og Ísland.&nbsp;Sambært sáttmálanum skulu regluligar fundir vera millum avvarðandi ráðharrar á uttanríkis- og handilspolitiska økinum. Slíkir fundir verða hildnir annaðhvørt ár í Føroyum og Íslandi.</div></div><div><br></div><div>Á skránni fyri fundin í dag er eitt nú føroyskur fiskiskapur eftir lodnu í íslendskum sjógvi, og ynski hjá føroyingum um at útflyta landbúnaðarvørur til Íslands, skrivar løgmansskrivstovan í tíðindaskrivi.</div><div><br></div><div>Løgmaður og íslendski uttanríkisráðharrin fara eisini at umrøða onnur uttanríkispolitisk viðurskifti av felags áhuga, eitt nú viðurskifti við ES og samstarvið í Útnorði og í Arktis.</div><div><br></div><div>Í Íslandi fer løgmaður eisini at nýta høvið at hitta Jóhonnu Sigurðardóttir, forsætisráðharra, og takka henni fyri stuðulin, ið íslendska stjórnin læt sjálvbodnu føroysku bjargingarfeløgunum í desember í fjør.</div><div><br></div><div><br></div><div><br></div>