Sjúkrahúsini skulu býta viðgerðir millum sín

Nú skal greiði fáast á, hvørjar viðgerðir skulu vera á hvørjum av teimum trimum sjúkrahúsunum.<div><br></div><div>Karsten Hansen, landsstýrismaður í heilsumálum, upplýsti í tinginum í dag, at hann hevur sett ein arbeiðsbólk við umboðum fyri øll trý sjúkrahúsini at koma við einum tilmæli um, hvussu býtið av viðgerðunum skal vera, so tað slepst undan bíðilistum at sleppa í viðgerð.&nbsp;</div><div><br></div><div>Hetta verður fyrsta stigið í einum nýggum heilsupolitikki, og arbeiðsbólkurin skal eftir ætlan vera liðugur fyri 1. mars, segði Karsten Hansen.</div><div><br></div><div>Løgtingið viðgjørdi í dag eitt uppskot um verklagslóg at umbyggja og umvæla Klaksvíkar Sjúkrahús fyri tilsamans 15 milliónir krónur í trý ár, ella fimm milliónir um árið.&nbsp;</div><div><br></div><div>Meginparturin av virkseminum á Klaksvíkar Sjúkrahúsi er í hølunum, sum vórðu bygd í 1928 og 1959 og -60. Hølisumstøðurnar eru vánaligar, trongar og sera ótíðarhóskandi, sigur Helsumálaráðið.</div><div><br></div><div>Karsten Hansen sigur í viðmerkingunum til uppskotið, at hann í ár fer at arbeiða við eini heildarætlan fyri, hvat virksemi skal vera á teimum trimum sjúkrahúsunum, og tillagingarnar, sum verða gjørdar á Klaksvíkar Sjúkrahúsi, samsvara við hesa ætlan.&nbsp;</div><div><br></div><div>Uppskotið er beint í Fíggjarnevndina.&nbsp;</div>