Sleppa at vera á Hamragarði fyribils

<div>Búfólkini á sambýlinum á Tvøroyri, sum vóru flutt til Vágs, &nbsp;verða verandi á Hamragarði, til ein varandi loysn er funnin.</div><div><br></div><div>Tað sigur Petra Johnsdóttir Joensen, stjóri á Almannastovuni og í Nærverkinum.</div><div>&nbsp;</div><div>Fimm búfólk vórðu flutt á Hamragarð í Vági eftir ódnina 24. november, tá øll yvirtromin á sambýlinum á Tvøroyri fór av í einum.</div><div><br></div><div>Tvøroyri býráð hevur gjørt av, &nbsp;at sambýlið á Tvøroyri &nbsp;verður ikki bygt uppaftur. Bygninginum er lýstur til sølu, sum hann stendur, ella at verða tikin niður.&nbsp;</div><div><br></div><div>Nærverkið, sum umsitur eldraøkið, gjørdi fyribils avtalu við Vágs Kommunu um at lata búfólkini búgva fyrbils á nýggja røktarheminum Hamragarði &nbsp;til 1. februar.&nbsp;</div><div>Tann avtalan er nú longd, og er galdandi, til ein varandi loysn er funnin.</div><div><br></div><div>Um loysnin er, at búfólkini skulu aftur til Tvøroyrar, ella tey sleppa at verða verandi í Vági, vil stjórin a Almannastovuni og í Nærverkinum ikki siga.</div><div><br></div>