Foreldur eiga at fáa pening at ansa børnum

Bjarni Djurholm, løgtingsmaður fyri Fólkaflokkin, mælir nú landsstýrinum til at fyrireika lógarbroytingar, so foreldur fáa pening til at ansa egnum børnum við hús.<div><br></div><div>Bjarni Djurholm vísir á, at arbeiðssteðgurin hjá pedagogunum er í fullum samsvari við verkfalsrætindini, men foreldur eru í trongstøðu, og kommunurnar hava lítlan møguleika at veita eina hjálpandi hond, uttan kanska at steðga ansingargjaldinum.</div><div><br></div><div>Í samgonguskjalinum stendur, at&nbsp;<i>“Fyri at foreldur betur kunnu leingja
barnsburðarfarloyvi, eigur at verða heimilað kommununum at rinda partar av
stovnsplássi til foreldrini, velja tey at ansa egnum barni/børnum heima”.</i></div><div><i><br></i></div><div>Bjarni Djurholm sigur, at fremur samgongan henda setning, fáa kommunurnar heimild at gjalda foreldrunum sín part av barnaansingini. Tað fer at gera ansingina smidligari, og foreldur fáa veruligar valmøguleikar. Tey kunnu velja at ansa egnum børnum, ella at lata kommunalu ansingini uppgávuna, sigur hann.</div><div><br></div><div>Bjarni Djurholm sigur, at landsstýrið eigur tí, skjótast til ber, at fyrireika lógarbroytingar, sum eru í samsvari við samgonguskjalið.</div><div><br></div><div><br></div><p class="MsoNormal"></p>