Foreldur í Klaksvík fáa ansingargjald afturgoldið

<div>Foreldur í Klaksvíkar kommunu sleppa undan gjaldinum til barnaansing, nú námsfrøðingar og hjálparfólk eru í verkfalli. Men um tey sleppa undan øllum gjaldinum er ikki greitt.&nbsp;</div><div><br></div><div>Býráðið í Klaksvík fer at góðskriva foreldragjaldið fyri tíðina, verkfallið varar, kunnger kommunan á heimasíðuni.</div><div><br></div><div>Sambært lógini um barnaansing rinda foreldrini 30 prosent av tí, sum tað kostar at reka stovnarnar, tað er millum annað 30 prosent av lønunum.</div><div><br></div><div>Pengarnir, sum verða spardir, tí tey, sum eru í verkfalli ikki fáa løn, koma bæði kommununi og foreldrinum til góðar í sama lutfalli, sum tey gjalda raksturin.</div><div><br></div><div>Hetta merkir, sambært heimasíðuni hjá Klaksvíkar kommunu, at sparingar í rakstrarútreiðslunum eiga at koma báðum pørtum, kommununi og foreldrunum, til góðar í sama lutfalli, sum tær verða goldnar.</div><div><br></div><div>Um hetta skal skiljast soleiðis, at foreldrini bara fáa 30 prosent aftur, veit býráðið ikki enn.&nbsp;Gunvá við Keldu, borgarstjóri, sigur, at tey fara nú kanna, hvussu nógv foreldrini fáa aftur. &nbsp;Sum skilst kann tað verða alt úr 30 upp í 100 prosent.</div><div><br></div><div>Men einki er avgjørt um tað, sigur borgarstjórin.</div><div><br></div><div>Norðlýsið hevur spurt Brúkaraumboðið, sum sigur, at kommunan kann einki krevja frá foreldrunum, meðan verkfallið er og børnini ikki verða ansað.&nbsp;</div><div><br></div><div><br></div>