Hava ikki orku til at kanna partabrøv

<div>- Kanningin er ikki byrjað enn, tí vit hava havt so nógv annað at gjørt.</div><div><br></div><div>Tað sigur Johan Dahl, landsstýrismaður í vinnumálum, um kanningina, sum landsstýrið gav honum loyvi til at gera, fyri at vita, um landið eigur at keypa aftur øll einskildu partabrøvini í Atlantic Airways.</div><div><br></div><div>Johan Dahl veit ikki at siga, nær kanningin byrjar.&nbsp;</div><div><br></div><div>- Tað verður, tá vit hava starvsorku til tað, sigur landsstýrismaðurin við Útvarpið.</div><div><br></div><div>Tað fór ikki stillisliga aftur við borðinum, tá Johan Dahl á veljarafundi í Vági hálvan oktober í fjør kunngjørdi, at landsstýrið hevði samtykt at keypa aftur einskilda partin av Atlantic Airways.</div><div><br></div><div>Aftaná kom fram, at landsstýrið tann 20.september gav Johan Dahl loyvi til at kanna, hvussu landið kann keypa einskildu partabrøvini aftur. Eingin avgerð varð tikin um keypið.</div><div><br></div>