Missa ávirkan á Landsbankan

<div>Nógv fakfeløg, arbeiðsgevarafeløg og onnur vinnufeløg hava mist møguleikan at velja fólk í umsjónarráðið hjá Landsbankanum.</div><div><br></div><div>Fyrr vóru fimm valnevndir, sum valdu fólk í umsjónarráðið. Í valnevndunum vóru hálvthundrað feløg. 11 fólk eru í umsjónarráðnum, sum varð valt í 2007, og situr til hálvan november í ár.</div><div><br></div><div>Nú hevur Fíggjarmálaráðið gjørt hetta valið nógv einfaldari.&nbsp;</div><div><br></div><div>Nýggja kunngerðin sigur, at seks feløg velja hvørt sítt fólk í umsjónarráðið. Feløgini eru Samtak, Yrkisfelagið hjá teimum, sum arbeiða í tryggingarvinnuni, fíggjarvinnuni, KT vinnuni og øðrum slíkum vinnum, Akademikarafelagið, Vinnuhúsið, Felagið Peningastovnar og Reiðarafelagið.&nbsp;</div><div><br></div><div>Felagið Peningastovnar velur alt fyri eitt fólk í umsjónarráðið hjá Landsbankanum. Men hálvan november í ár skal alt umsjónarráðið veljast av nýggjum eftir nýggju kunngerðini. &nbsp;</div><div><br></div><div><br></div><div><br></div><div><br></div><div><br></div>