Prísirnir skulu lækka

Javnaðarflokkurin hevur lagt uppskot fyri tingið um at áleggja landsstýrismanninum í vinnumálum at seta kanning í verk, sum skal koma við ítøkiligum politiskum tiltøkum, sum kunnu lækka prísstigið í landinum.<div><br></div><div>Javnaðarflokkurin sigur, at tað er staðfest, at prísirnir í Føroyum eru alt ov høgir. Orsøkirnar kunnu vera fleiri, eitt nú eintáttaður innflutningur, flutningskostnaður, avgjøld, vantandi kapping o.s.fr.</div><div><br></div><div>Ein kanning, sum Heri á Rógvi hevur gjørt, vísir, at Føroyar eru heimsins dýrasta land at búgva í, og hetta ger, at serliga lág- og miðalinntøkurbólkarnir í mongum førum hava ilt við at fáa endarnar at røkka saman.</div><div><br></div><div>Og fleiri prís- og avgjaldshækkingar eru á veg, eitt nú hjá SEV, Heilsutrygd og ALS, sigur Javnaðarflokkurin, sum heldur tað vera neyðugt at seta tiltøk í verk, ið m.a. skulu fyribyrgja fólkaflyting og eggja fólki at flyta til Føroya.</div><div><br></div><div>Flokkurin mælir til, at kanningin verður fíggjað peningi, sum verður spardur sambært broytingini í lóg um samsýning og eftirløn hjá landsstýrisfólkum.&nbsp;</div><div><br></div><div>Uppskotið kemur til fyrstu viðgerð í tinginum í næstu viku.</div>