ES og Noreg vilja lata føroyingum 7,5 prosent av makrelinum

<div>ES og Noreg vildu lata føroyingum 7,5 prosent av makrelkvotuni, tá strandarlondini samráddust í Írlandi í desember í fjør.&nbsp;</div><div><br></div><div>Hetta eru stívliga hálvt triðja prosent meira enn gamla semjan um makrelin gevur Føroyum.&nbsp;</div><div><br></div><div>Norska fiskivinnublaðið Fiskaren skrivar, at ES vildi lata Føroyum 7,5 prosent og Íslandi 6,5 prosent.&nbsp;Sambært blaðnum góðtók norski fiskimálaráðharrin, Lisbeth Berg-Hansen, hetta tilboðið hjá ES.</div><div><br></div><div>Blaðið skrivar, at Ísland segði nei takk. Og føroyska kravið er, sum skilst, framvegis 15 prosent av heildarkvotuni.&nbsp;Ísland krevur 16 ella 17 prosent í sín part.&nbsp;</div><div><br></div><div>Seinasta royndin at finna semju um makrelin fyri 2012 verður gjørd í Reykjavík í næstu viku.</div><div><br></div><div>Jákup Mikkelsen, landsstýrismaður, hevur sagt, at eftir tann fundin verður føroyska makrelkvotan fyri 2012 ásett. Vinnan væntar, at kvotan í ár verður ikki minni enn í fjør, tá hon var 150.000 tons. &nbsp;</div><div><br></div><div>Fiskaren skrivar, at ES nú ætlar at hækka tilboðið til Føroyar og Ísland úr 14 prosentum upp í 16 prosent.&nbsp;Norskir reiðarar leggja trýst á ráðharran fyri at fáa hana at lata vera við at taka undir við tilboðunum hjá ES.&nbsp;</div><div><br></div><div>ES er í samráðingunum við Ísland um limaskap, og kemur tí við tilboðnum um størri makrelkvotu fyri at tekkjast íslendingum, siga reiðararnir, sum vilja hava, at Ísland fær í mesta lagi fýra prosent og Føroya sjey prosent. &nbsp; &nbsp;</div><div>&nbsp; &nbsp;</div><div>&nbsp;</div><div><br></div>