Fongslaður í fýra vikur

<div>Grundlógaravhoyringin fyrrapartin var &nbsp;fyri afturlatnum hurðum. Tað kravdi Finn Ougaard, ákæri, og verjin, Bjørn á Heygum, hevði onga viðmerking um tað.&nbsp;</div><div><br></div><div>Dómarin góðtók grundgevingina fyri kravinum hjá ákæruvaldinum um, at almennur rættarfundur og tá almenn umtala kann særa 17 ára gomlu gentuna óneyðuga nógv.</div><div><br></div><div>Tey fýra tíðindafólkini, sum vóru í rættarsalinum, vórðu beind á dyr.&nbsp;</div><div><br></div><div>Tann 19 ára maðurin er skuldsettur fyri at hava lagt á 17 ára gomlu gentuna klokkan tíggju minuttir í fýra sunnumorgunin á Hoydalsvegnum og drigið hana inn í Viðarlundina, har hann legði hana niður á bakið.</div><div><br></div><div>Neyðtøkuroyndin varð fráboðað klokkan sjey minuttir yvir fýra.&nbsp;</div><div><br></div><div>Sambært skuldsetingini var neyðtøkuroyndin komin langt áleiðis, tá fólk á Hoydalsvegnum hoyrdu neyðarrópini frá gentuni. Tá hvarv álopsmaðurin.&nbsp;</div><div><br></div><div>Maðurin varð eftirlýstur í miðlunum í gjár. Politiið hevði eina neyva lýsing av honum, og klokkan hálvgum tíggju í gjárkvøldið varð maðurin, sum býr á bygd, tikin.</div><div><br></div><div>Tað var ikki nógv um tann unga mannin í rættarsalinum fyrrapartin, og verjin svaraði fyri hann, tá hann varð spurdur, um hann játtaði ella noktaði seg sekan. Hann noktar seg sekan.</div><div><br></div><div>Finn Ougaard, varafúti, upplýsir fyri Útvarpinum, at politiið veit ikki enn, um hetta er sami maður, sum er eftirlýstur fyri tríggjar neyðtøkuroyndir í Havn í fjør, í juni, juli og oktober.&nbsp;</div><div><br></div><div>- So langt eru vit ikki komin enn, sigur Finn Ougaard.&nbsp;</div><div><br></div><div>19 ára gamli maðurin er skuldsettur fyri neyðtøkuroyndina sunnumorgunin.</div><div><br></div><div><div>Rætturin avgjørdi, at 19 ára gamli maðurin skal varðhaldsfongslast í fýra vikur, og hann skal eisini mentalkannast.&nbsp;</div></div><div><br></div><div><br></div><div>&nbsp; &nbsp; &nbsp; &nbsp; &nbsp; &nbsp;</div><div><br></div>