Skuldsettur fyri neyðtøkuroynd

<div>Klokkan ellivu skal ein 19 ára gamal maður í grundlógaravhoyring í Føroya Rætti. Hann&nbsp;varð handtikin í gjárkvøldið í sambandi við neyðtøkumálið í Havn sunnumorgunin.</div><div><br></div><div>- Vit hava kannað málið, og ymsar slóðir hava verið at elt, sigur vakthavandi á politistøðini í Havn.</div><div><br></div><div>Hann sigur, at kanningarnar hjá løgregluni, umframt tað, sum gentan hevur greitt frá, gjørdu, at løgreglan kundi taka mannin.</div><div><br></div><div>Talan er um ein 19 ára gamlan føroying. Um løgreglan kennir mannin frammanundan, vil vakthavandi ikki siga.</div><div><br></div><div>Tað var um fýra tíðina gjáramorgunin, at ein 17 ára gomul genta var fyri neyðtøkuroynd við Hoydalsvegin, beint við portrið inn í Viðarlundina í Gundadali.</div><div><br></div><div>Gentan varð drigin inn í Viðarlundina. Hon rópti neyðarróp, og maðurin tók til rýmingar, tá fólk, sum komu framvið, hoyrdu gentuna rópa eftir hjálp.</div><div><br></div><div><br></div>