Vilja sleppa aftur til samráðingarborðið

<div>Verkfallið hjá Pedagogfelagnum kann gerast drúgt. Tað ásannar forkvinnan hjá pedagogunum, Maud Wang Hansen.</div><div><br></div><div>Hon sigur seg ikki hava frætt t frá mótpartinum, síðani felagið fór í verkfall týsmorgunin, og leggur afturat, at Pedagogfelagið fegin vil sleppa aftur til samráðingarborðið.</div><div><br></div><div>- Tað er við samráðingarborðið, vit vilja loysa ósemjuna, og vit hava tikið okkara samráðingar í fullum álvara, síðani fakfelagssamstarvið byrjaði samráðingar í juni mánaði, sigur Maud Wang Hansen, við Útvarpið.</div><div><br></div><div>Hon sigur, at limirnir í Pedagogfelagnum taka væl undir við verkfallinum.</div><div><br></div><div>- Eg eri errin av øllum limunum í Pedagogfelagnum, sum taka hundrað prosent undir við verkfallinum, sigur hon.</div><div><br></div><div>Nú klokkan níggju hittast allir limirnir í Pedagogfelagnum á savningarstøðum kring landið til skrásetingar.</div><div><br></div><div>- Ymiskar uppgávur sum skulu loysast alla tíðina. Sum til dømis at skipa fyri tiltøkum og at samskipa verkfallið, sigur forkvinnan.</div><div><br></div><div>Í morgin er ætlanin, at allir pedagogar í landinum skulu savnast í Havn. Tá&nbsp;hevur verkfallið vart í eina viku.</div><div><br></div>