Sinnaðir at gera fimm ára sáttmála

<div>Skipara- og Navigatørfelagið sigur seg vera sinnað at gera ein fimm ára sáttmála fyri sínar limir við Strandferðsluni.</div><div><br></div><div>- Vit eru til reiðar at gera eina skipan, sum tryggjar, at skipini hjá Strandferðsluni ikki verða løgd av arbeiðsósemjum, sigur Eyðstein Djurhuus, formaður í Skipara- og Navigatørfelagnum, við Sosialin.</div><div><br></div><div>Í staðin fyri lønarhækking biður felagið um at stytta arbeiðstíðina hjá yvirmonnunum.</div><div><br></div><div>- Hjá okkum verður høvuðsmálið ikki sjálv lønin, men at skerja 13 tímar av arbeiðstíðini um mánaðin, sigur Eyðstein Djurhuus við Sosialin.</div><div><br></div><div>Eftir galdandi sáttmála arbeiða yvirmenninir 213 tímar um mánaðin, og tað er sambært felagnum 13 tímar meiri enn altjóða ásetingar.</div><div><br></div><div>Sáttmálin millum Skipara- og Navigatørfelagið og Lønardeildina hjá Fíggjarmálaráðnum gekk út 1. oktober í fjør. Enn er tó ikki ásett, nær sáttmálasamráðingarnar byrja.</div><div><br></div><div><br></div><div><i>Mynd: Eyðstein Djurhuus er formaður í Skipara- og Navigatørfelagnum.</i></div><div><br></div>