Lógarbroyting kann loysa sáttmálatrætuna

<div>Ein broyting í dagsstovnalógini kann loysa knútin í sáttmálatrætuni millum land og kommunur og Pedagogfelagið.</div><div><br></div><div>Við at seta fyrireikingina í lógina verður hon ikki longur partur av sáttmálasamráðingunum.</div><div><br></div><div>Kommunala Arbeiðsgevarafelagið heldur, at verða fleiri tímar settir av til fyrireiking, er talan um fasta starvsskipan, sum kann samanberast við ta hjá fólkaskúlalærarum, men sum als ikki er í samsvari við verandi grundarlag og fakligu krøvini í dagstovnalógini.&nbsp;</div><div><br></div><div>Fortreytirnar í dagstovnalógini mugu tí broytast fyrst, sigur Kommunala Arbeiðsgevarafelagið.</div><div><br></div><div>Mentamálaráðið eigur dagsstovnalógina. Bjørn Kalsø, landsstýrismaður, sigur, at hesin møguleikin at taka fyrireikingina við í lógina hevur ikki verið til viðgerðarí Mentamálaráðnum.</div><div><br></div><div>Lønardeildin hjá Fíggjarmálaráðnum hevur ta støðu, at fyrireiking hevur einki at gera í sáttmálum.</div><div><br></div><div>- Leiðslan á arbeiðsplássinum ger av í samráði við starvsfólkini, hvussu nógv tíð skal brúkast til fyrireiking, sigur Snorri Fjalsbak, stjóri á Lønardeildini.&nbsp;Lønardeildin hevur tó ikki kravt, at fyrireiking verður tikin úr sáttmálunum hjá Pedagogfelagnum og Lærarafelagnum.&nbsp;</div><div>&nbsp;</div><div>Einki røkist fyri semju millum Pedagogfelagið og arbeiðsgevararnar, sum eru Kommunala Arbeiðsgevarafelagið og Lønardeildin hjá Fíggjarmálaráðnum.&nbsp;</div><div>Hvørgin partur hevur biðið mótpartin koma á fund, og hvørgin partur sigur seg vera sinnaðan at flyta seg.</div><div><br></div>