Tók koyrikort og var til skips samstundis

<div>Ein maður lærdi at koyra bil í Havn samstundis sum hann var við einum rækjutrolara við Kanada.</div><div><br></div><div>Hetta bar illa til, helt Akstovan, sum meldaði koyrilæraran fyri at geva Akstovuni skeivar upplýsingar í umsóknini um koyrikort til næmingin. Sambært umsóknini hevði næmingurin 22 tímar í tíðini, hann var til skips. &nbsp;</div><div><br></div><div>Koyrilærarin, sum noktaði seg sekan, fekk 30 daga fongsulsrevsing, men dómurin er treytaður. Harafturat fekk hann 5.000 kr. í bót. &nbsp;</div><div><br></div><div>Akstovan meldaði koyrilæraran, hóast hann bønaði og bað stjóran á Akstovuni geva sær eina ávaring í staðin fyri. Koyrilærarin vildi bara hjálpa einum sjómanni, stendur í telduposti frá honum, sum er endurgivin í dóminum hjá Føroya rætti. &nbsp;</div><div><br></div><div>Ein annar koyrilærari fekk sama dag ein harðari dóm, eisini fyri at geva Akstovuni skeivar upplýsingar um ein næming, sum skuldi hava koyrikort. &nbsp;&nbsp;</div><div><br></div><div>Hesin koyrilærarin skrivaði í umsóknini, at næmingurin, sum skuldi taka koyriroynd fyri at fáa koyrikortið aftur, hevði fingið serliga undirvísing í átta dagar, hóast hetta ikki var so, tí hann var í Noregi nakrar av døgunum.</div><div><br></div><div>Koyrilærarin er eisini dømdur fyri við áleypandi atburði at krevja at fáa lesiætlanina hjá næmingunum aftur frá Akstovuni. Hann fekk lesiætlanina, men kom ongantíð aftur við henni á Akstovuna. &nbsp;</div><div><br></div><div>Koyrilærarin noktaði seg sekan, men fekk 40 daga treytaleysa fongsulsrevsing. Hann er fyrr dømdur fyri at hava brotið kunngerðirnar um koyrikort og koyrifrálæru. &nbsp;&nbsp;</div>