- Tíðindi, mentan og ítróttur
Løgtingið viðger sítt egna ferðaendurgjald

<div>Seinnapartin fara løgtingsfólk at viðgera sítt egna endurgjald fyri at ferðast til Havnar.</div><div><br></div><div>Javnaðarflokkurin hevur uppskot til samtyktar um at laga kostnaðarendurgaldið til samferðsluna nú á døgum. </div><div> </div><div>Rigmor Dam, løgtingskvinna, sum legði uppskotið fram, sigur at galdandi lóg er frá 1999. Síðani tá eru vorðið munin lættari og skjótari at ferðast í Føroyum. Tí er verandi endurgjald í ávísan mun eitt stórt, skattafrítt lønarískoyti, sum onnur fólk ikki hava, sigur Rigmor Dam. </div><div> </div><div>Rigmor Dam og Javnaðarflokkurin vilja eisini hava løgtingið at broyta lógina um samsýning og eftirløn landsstýrismanna, tí eisini landsstýrisfólk fáa stórt endurgjald, búgva tey uttanfyri høvuðsstaðarøkið.</div><div><br></div><div>Og endurgjaldið, sum landsstýrisfólk kunnu fáa í staðin fyri frí hús, skal strikast, sigur Javnaðarflokkurin. </div><div><br></div><div>Lógarbroytingin fer at spara landskassanum 900.000 kr. um árið, soleiðis sum landsstýrið nú er mannað, sigur Javnaðarflokkurin.</div><div><br></div><div>Javnaðarflokkurin skjýtur upp í einum øðrum tingmáli, at pengarnir, sum verða spardir, tá landsstýrisfólk fara at fáa minni endurgjald, verða brúktir til at kanna, hvørji politisk tiltøk kunnu fáa prísirnar í Føroyum niður.</div><div><br></div><div>Tað uppskotið skal eisini hava fyrstu viðgerð í dag.</div>



















