Minnast tey dripnu

Á middegi fara grønlendingar at minnast tey trý fólkini, sum vórðu dripin í lítlu bygdini Nutaarmiut í gjár, í tøgn.<div><br></div><div>Kuupik Kleist, landsstýrisformaður, og Josef Motzfeldt, landstingsformaður, hava heitt á fólkið um at minnast tey dripnu, og at vísa samkenslu við teimum avvarðandi og bygdarfólkinum.</div><div><br></div><div>Grønlendska samfelagið er skelkað av sorgarleikinum í Nutaarmiut í gjár, tá trý fólk vórðu dripin, og tvey vórðu illa særd. Tað stendur um lív hjá øðrum av teimum særdu.</div><div><br></div><div>Løgreglan hevur handtikið ein 20 ára gamlan mann, sum er undir illgruna fyri morðini í Nutaarmiut, umleið 100 kilometrar norðan fyri Upernavik, har umleið 50 fólk búgva.</div><div><br></div><div>Grønlendska kringvarpið sigur, at tey deyðu og annar av teimum særdu eru skyldfólk. Sambært KNR var ósemja í húskinum atvoldin til sorgarleikin.</div><div><br></div><div>&nbsp;</div><div><br></div><div><br></div>