Samskipari til átøk móti harðskapi í parlagnum

<div>Søkt verður nú eftir einum samskipara, sum skal seta í verk tey 18 átøkini í heildarætlanini "Harðskapur í parlagi og nærsambondum," &nbsp;ið varð gjørd í fjør.</div><div><br></div><div>Umframt at seta átøkini í verk, skal samskiparin eisini vera við til at menna eitt fyribyrgjandi umhvørvi.</div><div><br></div><div>Tað er nú eitt ár síðan, at ein arbeiðsbólkur fór undir at gera heildarætlanina. Í arbeiðsbólkinum eru umboð úr Almannamálaráðnum, Vinnumálaráðnum, Heilsumálaráðnum, Innlendismálaráðnum og Mentamálaráðnum. Tey 18 átøkini í ætlanini fevna breitt. Eitt &nbsp;er at seta samskipara at hava ábyrgdina av, at átøkini verða sett í verk.</div><div><br></div><div>Arbeiðsbólkurin hevur, síðani heildarætlanin varð løgd fram, arbeitt víðari við at útgreina átøkini í ætlanini. Úrslitið av hesum arbeiði er, at ein fylgifrágreiðing er latin landsstýrisfólkunum, sum varða av økinum, sigurVinnumálaráðið í tíðindaskrivi.</div><div><br></div><div>Higartil hevur Vinnumálaráðið staðið fyri arbeiðinum. Men verkætlanin er nú flutt í Almannamálaráðið. Hetta kemst av, at í samgonguskjalinum er staðfest, at heildarætlanin eisini skal umfata kynsligan ágang móti børnum, sum er eitt øki beinleiðis undir Almannamálaráðnum.</div><div><br></div>