Tingið kann órógva avgerðir hjá Umboðsmanninum

Løgtingið eigur at ansa eftir ikki at fara upp í viðgerðina av einstøkum ítøkiligum málum. Ger tingið ikki tað, kann tað órógva og sáa iva um mannagongdir og avgerðir hjá Umboðsmanninum.<div><br></div><div>Tað sigur Rættarnevndin, sum hevur viðgjørt uppskotið frá formansskapinum um ársfrágreiðingina hjá Løgtingsins Umboðsmanni fyri 2010. Nevndin heldur, at viðgerðin av umboðsmannafrágreiðingini í Rættarnevndini og Løgtinginum yvirhøvur eigur at vera á einum yvirskipaðum stigi.&nbsp;</div><div><br></div><div>Umboðsmaðurin brúkar megin partin av síni tíð at viðgera kærur frá fólki, ið venda sær til stovnin. Umboðsmaðurin fær umleið 80 kærur um árið. í 2010 vóru nógvar kærur um innlitsmál. Hinvegin hava starvsfólkamálini verið færri seinastu árini.</div><div><br></div><div>Spurningurin, um frágreiðingin frá Umboðsmanninum eigur at verða givin út í bók, hevur eisini verið umrøddur í Rættarnevndini. Nevndin tekur undir við ætlanini um at gera eina øðrvísi og minni &nbsp;árfrágreiðing fyri 2011, har størri dentur verður lagdur á hagtøl og greinar um ymisk viðkomandi evni.&nbsp;</div><div><br></div><div>Einstøk mál skulu ikki viðgerast í frágreiðingini, tí tey kunnu lesast á heimasíðuni hjá Umboðsmanninum.</div><div><br></div><div>Rættarnevndin mælir til at góðkenna frágreiðingina hjá Umboðsmanninum fyri 2010. Málið kemur til aðru viðgerð í tinginum seinnapartin.</div><div><br></div><div><i>Mynd: Sólja í Ólavsstovu er Løgtingsins Umboðsmaður</i></div>