Pedagogar bíða eftir arbeiðsgevarum

<div>- Vit hava onki frætt frá mótpartinum, nú bíða vit bara eftir boðum!</div><div><br></div><div>Tað sigur Maud Wang Hansen, forkvinna í Føroya Pedagogfelag.</div><div><br></div><div>Tað er Kommunala Arbeiðsgevarafelagið sum hevur bóltin í sáttmálatrætuni sum hevur gjørt, at flestu av limunum í Pedagogfelagnum skjótt hava verið í verkfalli í tvær vikur.</div><div><br></div><div>Kommunala Arbeiðsgevarafelagið og Lønardeildin hjá Fíggjarmálaráðnum sótu allan dagin í gjár og roknaðu, hvussu nógv krøvini hjá Pedagogfelagnum fara at kosta.</div><div><br></div><div>Maud Wang Hansen sigur við útvarpið í morgun, at hon hevur skilt, at arbeiðsgevararnir ikki bara rokna.</div><div><br></div><div>- Sum eg skilji tað, hyggja tey nærri at fleiri viðurskiftum, sum møguliga kunnu verða broytt, fyri at partarnir kunnu finna eina semju, sigur hon.</div><div><br></div><div>Heðin Mortensen, formaður í Kommunala Arbeiðsgevarafelagnum segði við Útvarpið í gjár, at hann væntaði, tey fóru at kalla pedagogfelagið á fund einaferð í dag.</div>