Tað almenna má spara og rasjonalisera

Landsstýrið eigur at fara undir sparingar og rasjonaliseringar í almenna geiranum.<div><br></div><div>Tað sigur Føroya Arbeiðsgevarafelag, nú hagtøl frá Hagstovuni vísa, at almennu útreiðslurnar í Føroyum, máldar í prosentum av bruttotjóðarúrtøkuni, eru á sama stigi sum í Danmark. Danmark hevur sambært OECD størsta almenna geiran í øllum heiminum.</div><div><br></div><div>Arbeiðsgevarafelagið vísir á, at síðani 1997 eru útreiðslurnar hjá landskassanum til rakstur øktar úr 2,3 milliardum krónum upp í 4,6 milliardir í 2010. Sama tíðarskeið vuksu almennu útreiðslurnar úr knøppum fýra milliardum upp í 7,5 milliardir krónur.</div><div><br></div><div>Og sambært Landsbankanum er grundraksturin hjá landskassanum frá 2000 til 2010 versnaður nærum eina milliard og 350 milliónir krónur. Tá eru rentur, íløgur, einskiljingarinntøkur og aðrar kapitalinntøkur ikki íroknaðar.</div><div><br></div><div>Danski fíggjarmálaráðharrin, Bjarne Corydon, ætlar at seta mark fyri almennu rakstrarútreiðslunum, eins og mark verður sett fyri almannaveitingum og útreiðslunum hjá kommununum.</div><div><br></div><div>Føroya Arbeiðsgevarafelag sigur, at landsstýrið eigur at taka hetta í stórum álvara og fremja ítøkiligar sparingar og rasjonaliseringar hjá tí almenna&nbsp;</div>