Makrelsamráðingarnar byrjaðar í Reykjavík

Nú verður aftur gjørd ein roynd at semjast um makrelbýtið.<div style="font-weight: normal; "><br></div><div style="font-weight: normal; ">Samráðingarnar hesaferð eru í Reykjavík, og fyri løtu síðani fóru sendinevndirnar á fyrsta felags fundin, har tær leggja síni sjónarmið fram.</div><div style="font-weight: normal; "><br></div><div style="font-weight: normal; ">ES, Noreg, Ísland og Føroyar hava fleiri ferðir tingast um makrelbýtið, men einki er komið burturúr, og tað er framvegis langt millum partarnar.</div><div style="font-weight: normal; "><br></div><div style="font-weight: normal; ">Hildið verður, at samráðingarnar í Reykjavík verða tær seinastu, tí nú má røkka ella støkka. Samráðst verður til hósdagin. Spyrst einki burturúr, fara londini aftur at áseta sær sína egnu makrelkvotu.</div><div style="font-weight: normal; "><br></div><div style="font-weight: normal; ">Í føroysku sendinevndini eru Andras Kristiansen, formaður, Jógvan Jespersen, stjóri í felagnum Nótaskip, Hákun Djurhuus, sendimaður Føroya í Íslandi, og Janet S. Nørregaard og Jens Helgi Toftum, fulltrúar í Fiskimálaráðnum.</div><div style="font-weight: normal; "><br></div><div><b>Kringvarpið fylgir samráðingunum í Reykjavík. Jan Lamhauge og Rúni Friis Kjær eru á blettinum og fara at lata frætta frá sær bæði í útvarpinum og sjónvarpinum.</b></div>