Tænastumenn og landspolitikarar framíhjárætt

<div>Samstundis sum landskassin krevur 40 prosent í skatti, tá føroyingar gjalda inn eftirløn, eru bólkar í samfelagnum, sum hava framíhjárætt og rinda 35 prosent, tá tey fáa eftirlønina útgoldna.</div><div><br></div><div>Tað framgongur í skrivinum hjá Jørgen Niclasen, landsstýrismanni, sum hevur svarað spurningum frá Kristinu Háfoss, løgtingskvinnu.</div><div><br></div><div>Til ber at siga, at landskassin á henda hátt hjúklar um síni egnu, tí tað eru tænastumenn, landsstýris- og løgtingsfólk, sum verða eftirlønarskattað eftir gomlu skipanini.&nbsp;</div><div><br></div><div>Tað kemur fram í svarinum, at landsstýrið arbeiðir við uppskotinum til pensjónsnýskipan, og í hesum sambandi skal støða takast til eftirlønina hjá tænastumonnum og øðrum serligum bólkum.</div><div><br></div><div>- Men ikki ber til at siga nakað ítøkiligt um hetta, tí enn er ongin avgerð tikin, sigur Jørgen Niclasen.</div><div><br></div><div>Umleið 1300 føroyskir skattgjaldarar fingu inntøku frá útlendskum arbeiðsgevarum í 2010.&nbsp;Men TAKS veit ikki, um hesi fólk rinda skatt av inngjaldi til útlendsk eftirlønarfeløg, sum lógin ásetir.</div><div><br></div><div>- Hesi fólk mugu upplýsa hetta á sjálvuppgávuni 2012. Annars fremur TAKS vanligt eftirlit við skattaálíkningini, skrivar Jørgen Niclasen, landsstýrismaður í fíggjarmálum, í svari til Kristinu Háfoss, løgtingskivnnu.</div>