Almennar byggiætlanir skulu kannast

<div style="font-style: normal; ">Trygdarmiðstøðin í Klaksvík er ikki nakað eindømi um almennar byggiverkætlanir, sum fara av sporinum, siga løgtingsgrannskoðararnir, sum hava biðið Landsgrannskoðanina kanna fleiri byggiverkætlanir hjá tí almenna hesi seinastu árini.&nbsp;</div><div style="font-style: normal; "><br></div><div style="font-style: normal; ">Løgtingsgrannskoðararnir hava biðið løgtingið góðkenna landsroknskapin fyri 2010.&nbsp;</div><div style="font-style: normal; "><br></div><div style="font-style: normal; ">Í uppskotinum vísa løgtingsgrannskoðararnir á tær nógvu viðmerkingarnar, sum Landsgrannskoðanin hevur um roknskapin. Og at einki hendi, hóast víst verður á somu viðurskifti ár undan ári.</div><div style="font-style: normal; "><br></div><div style="font-style: normal; ">Sjálvir hava løgtingsgrannskoðararnir eisini nógvar viðmerkingar. Teir átala millum annað byggimálið hjá Trygdarmiðstøðini, har sum framvegis er stórur ivi um ábyrgd og nær, arbeiðið verður liðugt.&nbsp;</div><div style="font-style: normal; "><br></div><div style="font-style: normal; ">Løgtingsgrannskoðararnir nevna eisini framleiðsluhølini hjá Apoteksverkinum, sum kosta nógv meira enn upprunaliga ætlað.&nbsp;</div><div style="font-style: normal; "><br></div><div style="font-style: normal; ">Teir átala harðliga roknskaparviðurskiftini hjá Uttanríkisráðnum og enn eina ferð átala teir harðliga, at nýggj forsorgarlóg ikki er komin enn.&nbsp;</div><div style="font-style: normal; "><br></div><div style="font-style: normal; ">Síðani í nítiárunum hava landsstýrisfólkini &nbsp;í almannamálum boðað frá, at tey arbeiða við nýggjari lóggávu, og at øll almannalóggáva fór at verða lagað til føroysk nútíðarviðurskifti innan fyri stutta tíð, siga løgtingsgrannskoðararnir.&nbsp;</div><div style="font-style: normal; "><br></div><div style="font-style: normal; ">Løgtingsgrannnskoðararnir halda tað heldur ikki vera í lagi, at bara 16 av 126 rakstrarjáttanum í fíggjarlógini hava upplýsingar um mál, avrik og úrslit.</div><div style="font-family: Arial, Verdana; font-size: 10pt; font-style: normal; font-variant: normal; font-weight: normal; line-height: normal; "><br></div><div style="font-family: Arial, Verdana; font-size: 10pt; font-variant: normal; font-weight: normal; line-height: normal; "><i>Mynd: Framleiðsluhølini hjá Apoteksverkinum er ein verkætlan, sum hevur kostað nógv meira enn ætlað.</i></div>