Løgtingið avgreiðir blokkin í morgin

Avtalan um heildarveitingina úr ríkiskassanum fyri 2012 hevur verið ein tungur burður, men í morgin fer løgtingið at avgreiða málið.<div><br></div><div>Tá uppskotið um blokkin fyri í ár varð lagt fram, stóðu 615,5 milliónir krónur í lógini - sama upphædd, sum ríkisveitingin hevur verið síðani 2002. Men nevnt varð í viðmerkingunum, at upphæddin kundi broytast við samráðingum.&nbsp;</div><div><br></div><div>Stutt eftir, at nýggja landsstýrið tók við í heyst, sendi Kaj Leo Holm Johannesen, løgmaður, Helle Thorning-Schmidt, forsætisráðharra, bræv, har landsstýrið bað um at fáa 150-200 milliónir krónur aftrat í blokkstuðli, og at hann verður prístalsviðgjørdur í framtíðini.</div><div><br></div><div>Umbønin at hækka blokkin til dagsvirði varð ikki eftirlíkað, &nbsp;men samráðingarnar endaðu við, at heildarveitingin verður prístalsviðgjørd í framtíðini, og tí hækkar ríkisveitingin 8,6 milliónir krónur í ár, upp í 624,1 millión krónur.</div><div><br></div><div>Hetta samtykti løgtingið eisini við aðru viðgerð fríggjadagin. Øll 19 tingfólkini í samgonguni atkvøddu fyri, og haraftrat fekk uppskotið atkvøðurnar hjá Henriki Old og Gerhardi Lognberg úr Javnaðarflokkinum.</div><div><br></div><div>Lógin skal samtykkjast bæði í løgtinginum og fólkatinginum. Løgtingið avgreiðir málið í morgin, og fólkatingið samtykkir blokkstuðulin endaliga 1. mars.&nbsp;</div>