Nú sleppa ATV-arar á vegirnar

<div>Ferðslulógin fær ikki forðað fyri, at lendisfarandi akfør, ATV-arar, skemma náttúruna.</div><div><br></div><div>Slíkar ásetingar mugu vera í náttúrufriðingarlógini, ella má ein heilt nýggj lóg gerast um ferðslu á bøi og í haga við svensku lógini sum fyrimynd.</div><div><br></div><div>Tað heldur Innlendismálaráðið, sum hevur gjørt uppskot um at broyta ferðslulógina, so hon eisini fevnir um lendisfarandi akfør.&nbsp;</div><div><br></div><div>Uppskotið, sum kom í tingið fríggjadagin, gevur lendisfarandi akførum, sum eru arbeiðstól, avmarkað loyvi til at koyra á vegunum. Og koyrikort til bil ella motorsúkklu krevst fyri at koyra lendisfarandi akfar.</div><div><br></div><div>Í lógaruppskotinum eru eisini nógv krøv um trygdarútgerð.</div><div><br></div><div>Innlendismálaráðið sendi uppskotið til hoyringar og fekk nógvar viðmerkingar um tað.&nbsp;</div><div><br></div><div>Ráðið Fyri Ferðslutrygd sigur millum annað, at koyring á almennum vegi við lendisfarandi akførum er ein munandi broyting í verandi ferðslumynstri og kann gerast ein nýggjur vandi fyri ferðslutrygdina.</div><div><br></div><div>Føroya Kommunufelag mælir til, at hámarksferðin bara verður 30 km/t í bygdum øki og 50 km/t í óbygdum øki. Men Innlendismálaráðið heldur fast um ávikavist 50 km/t og 60 km/t.&nbsp;</div><div><br></div><div>Serliga stúra nógv av teimum, sum hava ummælt lógaruppskotið, fyri náttúrini, fuglalívi og djóralívi. &nbsp;</div><div><br></div><div>Fuglafrøðifelagið og Umhvørvisdeildin í Innlendismálaráðnum siga bart út, at besta loysnin hevði verið at banna lendisfarandi akførum á bøi og í haga.&nbsp;</div><div>&nbsp;</div><div>Umhvørvisstovan, Kommunusamskipanin og Kommunufelagið mæla til at seta avmarkingar í náttúrufriðingarlógina.&nbsp;</div><div><br></div><div>Innlendismálaráðið ætlar, at broytingarnar í ferðslulógini skulu koma í gildi 1.juni. &nbsp;</div><div><br></div><div>Nógv lendisfarandi akfør eru í Føroyum. Tey verða mest brúkt sum arbeiðstól.</div><div><br></div><div>Løgtingið hevur longu eitt annað uppskot um lendisfarandi akfør. Tað uppskotið eigur Tjóðveldi, og uppskotið er í Rættarnevndini. &nbsp; &nbsp;</div><div style="font-family: Arial, Verdana; font-size: 10pt; font-style: normal; font-variant: normal; font-weight: normal; line-height: normal; "><br></div>