Fyrireika makrelfiskiskapin í summar

<div>Politiski makrelbólkurin, sum løgmaður setti fyri nøkrum vikum síðani, hevði sín fyrsta fund í gjár.</div><div><br></div><div>Bólkurin viðgjørdi, hvussu føroyski makrelfiskiskapurin í summar skal skipast, millum annað, hvussu kvotan skal býtast, um talan til dømis verður um eginkvotur ella felagskvotur.</div><div><br></div><div>Jacob Vestergaard, landsstýrismaður í fiskivinnumálum, sigur, at hann á fundinum í gjár fekk at vita frá flokkunum, hvat teir halda, og tað var ikki so stór ósemja á fundinum, sigur hann. Tilfeingisgjaldið var eisini umrøtt.</div><div><br></div><div>Jacob Vestergaard fer nú at fyrireika kunngerðir og møguligar lógir um makrelfiskiskapin í 2012, men áðrenn nakað verður sett í gildi, verða hinir samgonguflokkarnir hoyrdir, sigur hann.</div><div><br></div><div>Jacob Vestergaard sigur, at hann fyrsta dagin fer at áseta føroysku makrelkvotuna fyri 2012. Alt bendir á, at hon verður minst tað sama sum í fjør, 150.000 tons. &nbsp;</div><div><br></div><div>Í politiska makrelbólkinum eru Kaj Leo Holm Johannesen og Bárður Nielsen fyri Sambandsflokkin, Jacob Vestergaard og Jørgen Niclasen fyri Fólkaflokkin, Jenis av Rana fyri Miðflokkin og Kári P. Højgaard fyri Sjálvstýrisflokkin.&nbsp;</div>