Nærverkið setir neyðætlan í verk

Um middagsleitið fekk Nærverkið at vita frá Føroya Pedagogfelag, at øll undantaksloyvi verða tikin aftur, og tí verður neyðætlanin, sum Nærverkið hevur arbeitt við, sett í verk.<div><br></div><div>Neyðætlanin ber í sær, at nøkur búfólk á sambýlum verða send til hús, onnur verða flutt á aðrar stovnar, og uppaftur onnur verða savnað í Leguhúsinum í Nesvík, upplýsir Petra Johnsdóttir Joensen, stjóri í Nærverkinum.</div><div><br></div><div>Umboð fyri Fíggjarmálaráðið, Kommunala Arbeiðsgevarafelagið og Pedagogfelagið fóru aftur til samráðingarborðið klokkan 10 fyrrapartin. Jørgen Niclasen, landsstýrismaður, boðaði pørtunum til fundar.</div><div><br></div><div>Fundurin varð niðurlagdur fyri løtu síðani.</div><div><br></div><div>Maud Wang Hansen, forkvinna í Pedagogfelagnum, sigur, at fundurin hevur verið konstruktivur, sum hon tekur til, og at partarnir hava aftur umrøtt viðurskiftini, sum áður hava verið til umrøðu í samráðingunum.</div><div><br></div><div>Maud Wang Hansen og Jógvan Philbrow, næstformaður, hava umboðað Pedagogfelagið í Fíggjarmálaráðnum fyrrapartin. Tey fara nú at kunna hinar nevndarlimirnar, og partarnir hava avtalað at hittast aftur klokkan 16.</div>